یاسین – برفانی تودے کی زد میں آکر ایک ھی خاندان کے چار افراد ہلاک، تین زخمی
مقامی آبادی اور ریسکیوٹیم نے آٹھ گھنٹوں کی محنت کے بعد جاںبحق ہونے والے چاروں افراد کو برف سے نکال لیا اور ان کو بعد از نماز عصر مقامی قبرستان میں سپرد خاک کردیا گیا۔ ایک ہی خاندان کے چار لاشوں کی تدفین میں رقت آمیز مناظر دیکھنے کو ملے ۔ زخمیوں کو طبی امداد کے بعد فارغ کردیا گیا۔دوسری طرف شدید بارش کے بعد غذر گلگت ، غذر چترال اور گاہکوچ اشکومن روڈ مختلف مقامات پر ہر قسم کی ٹریفک کے لئے بلاک ہوگئی ہے پی ڈبلیو ڈی کی ٹیمیں بلاک راستوں کوکھولنے کے لئے روانہ کردی گئی ہیں ڈی سی غذر عبدالقمر شہزاد سڑکوں کی بحالی کی کاموں کی خود نگرانی کر رہے ہیں جبکہ یاسین اور گوپس میں اے سی شجاع عالم نے پی ڈبلیو ڈی کے اہلکاروں کے ہمراہ روڈ کھولنے کے لئے کام کرر ہے ہیں اے سی گوپس شجاع عالم نے صحافیوں کو بتایا کہ قرقلتی کے متاثرہ گاﺅں تک سڑک اور بجلی چوبیس گھنٹے کے اند ر بحال کردی جائیگی جبکہ پھنڈر اور گوپس کے درمیان چار جگہوں پر بلاک روڈ کو بھی کھولنے کے لئے ہر ممکن اقدامات کئے جارہے ہیں ۔ ضلع غذر کے مختلف تحصیلوں اور دیہاتوں میں برفانی تودے گرنے کے اطلاعات ہیں ان تودوں کی زد میں آکر بڑے پیمانے پر مال مویشیوں کی ہلاکتوں کی بھی اطلاعات ہے ۔پہاڑوں پر موجود چرواہوں کے خریت معلوم کرنے کے لئے بھی مقامی افراد پر مشتمل ٹیمیں مختلف نالہ جات روانہ کردی گئی ہیں