[Poetry] Mausmi Murghabian

Ae Khuda Ye Kon Hai

Ae khuda ye kon hay
jo election ladne aya hai
aur sardar bannana chata hai
hamne use kabhi dekha tha na dekha hai ,
Jab mailey bharaun ka aatay hain
ya gawuun men mushkil ajaye
ye kon hey,us ko aaj yahan kia cheez utha ke lai hai
Ye kia matti ki mohabbat hai
jis ko wo dhool samajta hai
aur khud ko bachaa ke rakhta hai
ya phir muhabbat logoon se
jo us ne kabhi dekhey hi nahi
Kia us ko pata kia his us ko khabar
Ye log keise jeetey hain
Jab ghar me faaqe padte hain
aur bachay bhuk se rote hain
kiuonker Mayen behlati hain
Sardi ka mosam ata hai
kiunker ye tinke chunte hain
jin se bas ek waqt sirf
Angethi jalne lagti hai
Phir foran hi buj jati hai
bache thitherne lagte hain
Ma haat malti rehti hain
Jab bemaari ghar ajaye
ek thande toliye ke sewa
aur koi charai kar naho
Aey kash koi batlaiey usey
Wo kia baneney aya hai
poochey us se koi saaf saaf
Sharam se kiun juk jate ho
Saaf kiun nei kehte ho
Tume konsa shooq yahan laya hai
taqat aur hukumat ka
ya ghalbat ka
Par udte panchi yad rakh
ab yan bhi mosam badle hain
Ab yan tere bas ki baat nahi